Այսօր ՀՀ փաստաբանների պալատում տեղի ունեցավ ՀՀ քաղաքացիական դատավարության օրենսգրքի փոփոխությունների նախագծի քննարկումը, որին մասնակցում էին փաստաբաններ, ինչպես նաեւ Ամերիկյան իրավաբանների ընկերակցության հայաստանյան գրասենյակի տնօրենը:

Հիմնական զեկուցող էր նշանակված փաստաբան Գեւորգ Գյոզալյանը: Քննարկման ընթացքում ծավալվեց արդյունավետ բանավեճ առաջարկվող փոփոխությունների վերաբերյալ: Մասնակիցները ներկայացրեցին նաեւ այլ առաջարկներ, որոնք նախագծում տեղ չէին գտել մասնավորապես, դատական ծանուցումների եւ վճռաբեկ դատարանի լիազորությունների հետ կապված:

Հիմնական բանախոսներ՝ Գեւորգ Գյոզալյանը եւ Արտակ Զենլանյանը ի գիտություն ընդունեցին հնչեցված մտքերն ու առաջարկները եւ խոստացան դրանց անդրադառնալ աշխատանքային խմբի մոտակա նիստում, որը տեղի է ունենալու Ծաղկաձորում՝ սույն թվականի փետրվարի 11-ից 14-ը: Խմբի կողմից Օրենքի նախագծի վերջնական տարբերակը մշակվելուց հետո այն կներկայացվի բոլոր փաստաբանների դատին:

Նշված աշխատանքային խումբը ձեւավորվել է Ամերիկյան իրավաբանների ընկերակցության աջակցությամբ եւ հովանավորությամբ:

Նախագծի վերջնական տարբերակը կտեղադրվի փաստաբան Գեւորգ Գյոզալյանի կայքում: