Իրադարձություններ

03.03.2010

ՄԻԵԿ թիվ 14 արձանագրությունը մոտալուտ ժամանակներում կմտնի ուժի մեջ

18.02.2010թ.-ին Ռուսաստանը վերջապես վավերացրեց Մարդու իրավունքների եվրոպական կոնվենցիայի Թիվ 14 արձանագրությունը։ Եվրոխորհրդի մյուս 46 անդամների կողմից արդեն վավերացված այս արձանագրությունն ուժի մեջ կմտնի հունիսի 1-ին ։

27.02.2010

Փաստաբանի գրասենյակը ընդհանրապես եւ նրա համակարգիչը մասնավորապես հանդիսանում են փաստաբանական գաղտնիք պարունակող տեղեկություններ (Լրացված)

Այս առումով պետք է նշել, որ «Մարդու իրավունքների եվրոպական դատարանը» դեռեւս 16.12.1992թ.-ին իր Նիմիցն ընդդեմ Գերմանիայի գործով նշել էր. «… փաստաբանական գաղտնիքի նկատմամբ ոտնձգությունը, արդարադատության իրականացման գործում կարող է ունենալ հետեւանքներ, որոնք անխուսափելիորեն կխախտեն Կոնվենցիայի 6-րդ հոդվածով սահմանված՝ արդար դատաքննության իրավունքը: Ի լրումն սրա պետք է նշել նաեւ, որ ուղեկցվող հրապարակումը կարող էր ունենալ բացասական հետեւանքներ դիմողի մասնագիտական հեղինակությանը ինչպես իր հաճախորդների մոտ, այնպես էլ հանրության մոտ ընդհանրապես:»:

25.02.2010

ՀՀ-ում միասնական պրակտիկա ձեւավորող, եռաստիճան դատական համակարգի բարձրագույն, պրոֆեսիոնալ դատական ատյանը` վճռաբեկ դատարանը կիրառել է հակասահմանադրական օրենք

2010 թվականի փետրվարի 23-ին ՀՀ սահմանադրական դատարանը կայացրել է իր թիվ ՍԴՈ-866 որոշումն ըստ դիմումի «Մելտեքս» ՍՊԸ-ի եւ այլոց` ՀՀ քաղաքացիական դատավարության օրենսգրքի 204.28-րդ հոդվածի 1-ին կետի (Նոր հանգամանքով դատական ակտը վերանայելու արդյունքում դատարանն իրավասու է` նախորդ դատական ակտը թողնել ուժի մեջ, դիմումը` առանց բավարարման)` ՀՀ սահմանադրությանը համապատասխանելու գործով:

20.02.2010

Ակումբի նիստ ՀՀ փաստաբանների պալատում

Այսօր ՀՀ փաստաբանների պալատում տեղի ունեցավ ակումբի նիստը, որի ընթացքում հիմնական զեկուցող Հայկ Ալումյանը ներկայացրեց վճռաբեկ դատարանի երկակի կիրառվող պրակտիկան:

19.02.2010

Հարցազրույց

Փաստաբան Գեւորգ Գյոզալյանը հարցազրույց է տվել «Հետք» լրատվական շաբաթաթերթի լրագրող Սառա Պետրոսյանին: Հիմնական թեման վերաբերվում էր փողերի լվացման օրենքին ընդհանրապես եւ փաստաբանի անկախությանը խոչընդոտող օրենսդրական ձեւականություններին մասնավորապես:

14.02.2010

Աշխատանքային հանդիպում Ծաղկաձորում

Ամերիկյան իրավաբանների ընկերակցության հովանավորությամբ եւ աջակցությամբ սույն թվականի փետրվարի 11-ից 14-ը Ծաղկաձորում տեղի ունեցավ քաղաքացիական դատավարության օրենսգրքում փոփոխություններ եւ լրացումներ կատարելու վերաբերյալ նախապես արդեն ձեւավորված աշխատանքային խմբի հանդիպումը, որը կոնկրետ օրենքի նախագիծ դարձրեց նախապես հնչեցված առաջարկները:

05.02.2010

Քաղաքացիական դատավարության օրենսգրքում առաջարկվող փոփոխություններ

Այսօր ՀՀ փաստաբանների պալատում տեղի ունեցավ ՀՀ քաղաքացիական դատավարության օրենսգրքի փոփոխությունների նախագծի քննարկումը, որին մասնակցում էին փաստաբաններ, ինչպես նաեւ Ամերիկյան իրավաբանների ընկերակցության հայաստանյան գրասենյակի տնօրենը:

03.02.2010

«Փաստաբանության մասին» ՀՀ օրենքի քննարկումը եվրոպացի փորձագետների հետ.

Էրեբունի Պլազա բիզնես կենտրոն, Արամե դահլիճում սույն թվականի փետրվարի 3-ին սկսվեց եվրոպացի փորձագետների հետ միասին «Փաստաբանության մասին» ՀՀ օրենքի քննարկման աշխատանքները:

21.01.2010

Փաստաբանների դեմ ՀՀ քրեական օրենսգրքի 343 հոդվածի 1-ին մասով հարուցված քրեական գործը կարճվեց.

Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը՝ դատարանի նախագահ Մհեր Խաչատրյանի նախագահությամբ, հունվարի 19-ին կարճել է փաստաբաններ Դիանա Գրիգորյանի, Արթուր Գրիգորյանի եւ Արա Զաքարյանի դեմ հարուցված քրեական գործը՝ 343 հոդվածի 1-ին մասի հատկանիշներով:

14.01.2010

ՀՀ Քրեական օրենսգրքի 343 հոդվածի 1-ին մասը հակասահմանադրական

ՀՀ սահմանադրական դատարանը բավարարեց Մարդու իրավունքների պաշտպանի դիմումը, որը վերաբերվում էր ՀՀ քրեական օրենսգրքի 343 հոդվածի առաջին մասին` դատարանի նկատմամբ անհարգալից վերաբերմունք ցույց տալը:

13.01.2010

Ժողովրդավարության մակարդակ

Freedom House hեղինակավոր միջազգային իրավապաշտպան կազմակերպությունը հրապարակել է իր հերթական տարեկան զեկույցը: Ըստ այդմ, արդեն 8-րդ տարին անընդմեջ Հայաստանը որեւէ առաջընթաց չի արձանագրում ժողովրդավարության ուղղությամբ, տարեցտարի վատթարացնում է ցուցանիշները եւ 2002 թվականից մինչ օրս դասվում է աշխարհի «մասամբ ազատ» երկրների շարքում։

25.12.2009

Շնորհավոր ամանոր և սուրբ ծննունդ

Սիրելի բարեկամներ Սրտանց շնորհավորում եմ Ձեր ամանորն ու սուրբ ծննունդը, ցանկանում եմ, որ 2010 թվականը լինի ձեռքբերումների տարի ոչ միայն նյութական իմաստով այլ նաև հոգևոր: Լինենք հանդուրժող, միմյանց հարգող, միմյանց չվնասող և թող նենգությունն իսպառ բացակայի մարդկային հարաբերություններից: